الثلاثاء، 15 يناير، 2013



گردبوونەوەیەکی نارەزایی لە خانەقین سازکرا 









بەمەبەستی ئیدانەکردنی کوشتنی سێ چالاکوانی سیاسی ژنی باکوری کوردستان لە پاریس، لیژنەی بەرگری کردن لە بەرژەوەندییەگشتییەکانی خانەقین و ژمارەیەک لە رۆشنبیران و چالاکوانانی کۆمەڵی مەدەنی گردبوونەوەیەکیان لە خانەقین ئەنجام دا،لەمبارەیەوە ئەمیر عەلی ئەندامی لیژنەی بەرگری کردن لە بەرژەوەندییەگشتییەکانی خانەقین بەرۆژی نوێ راگەیاند،ئەمرۆ ئەم گردبوونەوەمانە رێکخستووە وەکو نارەزایی دەربرینێک لە بەرانبەر تیرۆر کرد سێ چالاکوانی سیاسی ژنی باکوری کوردستان لە فەرەنسا،وداواکارین لە حکومەتی هەرێم جەخت لەسەر فەرەنسا بکات بۆ دۆزینەوەی ئەنجامدەرانی ئەو کارە.هەروەها ئیدانەی بریاری کۆماری ئیسلامی ئێران دەکەین بە لێسیدارەدانی دوو گەنجی کوردی رۆژهەڵاتی کوردستان،و داوا لە دەسەڵاتی ئێران دەکەین کە پاشگەز ببێتەوە لەو بریارەی.
بەشێکی تری چالاکێکە تایبەت بوو بە رێزگرتن لە نوسەر و رۆژنامەنوسی کۆچکردوو ئەحلام مەنسور بوو،کە خەڵکی خانەقینەو ولەماوەی رابردوودا خزمەتی بە رەوتی ئەدەبی کوردی کردووە.

ليست هناك تعليقات:

إرسال تعليق