هەواڵ




چوار حاڵەتی ئەنفلەوەنزای بەراز لە دیالە تۆمار دەکرێت

چوار حالەتی پەتای ئەنفلەوەنزای بەراز لە پارێزگای دیالە تۆمار دەکرێت،فارس عەزاوی وتەبێژی بەرێوبەرایەتی تەندروستی دیالە بەرۆژی نوێ راگەیاند چوار حالەتی ئەنفلەونزای بەراز لە پارێزگای دیالە تۆمار کراون،عەزاوی رایشی گەیاند کە چوار حاڵەتەکە دابەش بوونەتە سەر شارەکانی ئەو پارێزگایە بەشەێوەیەک لە قەزای مقدادیە یەک حاڵەت ولە قەزای خالس حاڵەتێک و شارۆچکە جەلەولا حاڵەتێک و لە بەلەدروز حاڵەتێکی دیکە،وتیشی ئەم حاڵەتانە یەکەم حاڵەتی ئەو نەخۆشیەن کە بەشێوەیەکی فەرمی لە دیالە تۆمارکراون،بریاریشە هەڵمەتێکی راگەیاندنی فراوان بۆ هوشیارکردنەوەی هاوڵاتیانی ئەو پارێزگایە دەست پێ بکات.









هاوڵاتیەکی خانەقین خۆی دەخنکێنێت

هاوڵاتیەکی خانەقین خۆی دەخنکێنێت،سەرچاوەیەک لە نەخۆشخانەی گشتی خانەقین بە رۆژی نوێ راگەیاند:ئەمرۆ گەنجێکی عەرەبی تەمەن 20 ساڵ کە دانیشتووی گوندی معدانی خانەقین لە ماڵەدا خۆی خنکاندووە،سەرچاوەکە کە نەیویست ناوی ئاشکرا بکرێت ئاماژەی بۆ ئەوە کە هێزێکەکانی پۆلیس تەرمی ئەو گەنجەیانە هێناوە بۆ نەخۆشخانەی خانەقین  و رایشی گەیاند پۆلیس دەستبەجێ دەستی بە لێکۆڵینەوە کردووە لە هۆکاری خۆ کوشتنی ئەو گەنجە، ئاماژەیشی بۆ ئەوە کرد کە رەنگە هۆکاری دەروونی لە پشت خۆخنکاندنی ئەو گەنجەوە بێت.













 ژنێک لە خانەقین خۆی کوشت


بە هۆی کێشەیەکی خێزانیەوە ژنێک لە خانەقین خۆی کوشت،سەرچاوەیەک لە لیژنەی ئاشتی و هیوا بۆ ئەنانا بە رۆژی نوێ راگەیاند،پاش نیوەرۆی ئەمرۆ ژنێکی تەمەن 20 ساڵ بەناوی (ن.ع) کە دووەم جارە پرۆسەی هاوسەرگیری دەکات لە گوندی ساڵح ئاغای سەربەقەزای خانەقین خۆی هەڵداوەتەوە رووباری سیروان،سەرچاوەکە وتیشی تائێستا تێمەکانی فریاکەوتن بە دوای تەرمەکەی دەگەرێن و تائێستا تەرمی ئەو ژنە نەدۆزراوەتەوە.ماوەیەکە دیارەی خۆکوشتنی ئافرەتان لەخانەقین زیادی کردووە،و بەپێ رای چاودێران هۆکاری سەرەکی لە پشت ئەو دیاردەیە شکستهێنانی رێکخراوەکانی ژنان و ئافرەتان لە چارەسەرکردنی کێشەکانی ژنان لە کوردستان بە گشتی و لە خانەقین بەتایبەتی .













هەرەشە لە ژمارەیەک سەرۆک عەشیرەت و کەسایەتی لەپارێزگای دیالە دەکرێت،لەماوەی 48 کاتژمێری رابردوودا ژمارەیەک لە کەسایەتی و سەرۆک عەشیرەتەکانی دیالى لە رێگەی موبایلەوە هەرەشەیان لێ دەکرێت،عیسام شاکر سەرۆکی لیستی دەوڵەتی یاسا لە ئەنجومەنی پارێزگای دیالە بەرۆژی نوێ راگەیاند،لەماوەی رابردوودا ژمارەیەک لە سەرۆک عەشیرەت و کەسایەتێکانی دیالە ئاگاداریان کردینەوە کە لەرێگەی موبایلەوە هەرەشەی کوشتنیان لێکراوە لەلایەن رێکخستنەکانی عیزەت دووریەوە،شاکر هوشیاریش دا لەبارەی بوونی پلانێک بۆ لێدان چەندیین کەسایەتی ئەو پارێزگاییە کە بە کەسایەتییەگرنگەکان وەسفی کردن وئەگەری ئەنجامدانی هێرشی چەکداری بۆ سەر ئەو کەسایەتیانە وبەسەر هاوڵاتیان بەمەبەستی هەڵگیرساندنی کێشەی تایفی بە دوور نازانێت  ،وتیشی ئەو هێزانە دەیانەوێت دووبەرەکی لە پارێزگاکە بڵاو بکەنەوە،و تەکیدیش کردەوە کە ئەو کەسایەتییانە تەنها لە خودی خۆیان هەرەشە نەکراوە بەڵکو هەرەشە لە خۆیان و کەسوکاریانیش کراوە بەمەبەست جەخت کردن لەسەریان بۆ گۆڕینی هەڵویستەکانیان و داوای لە هێزە ئەمنییەکانی پارێزگاکەی کرد کە وریا بن لەم قوناغەدا و گیانی ئەو کەسانە بپارێزن کە هەرەشەیان لێکراوە.
لەماوەی رابردوودا پارێزگای دیالە وەکو پارێزگای سونە نشینەکانی تری عیراق خۆپیشاندانی تێیدا سازکراوە لە دژی مالکی و حکومەتەکەی ،و لە ئێستادا عیراق لە قەیرانێکی سیاسی گەورە دایە .











کوژرانی و بریندار بوونی پێنج هاوڵاتی لەدیالە،سەرچاوەیەکی ئەمنی لە دیالە بەرۆژی نوێ راگەیاند سەرلەبەیانی ئەمرۆ لە ئەنجامی تەقینەوەی ئۆتۆمبیلێکی بۆمبرێژکراو لە نزیک عەلوەی شارۆچکەی کەنعان دوو هاوڵاتی کوژران و سێ هاوڵاتی دیکە بریندار بوون سەرچاوەکە وتیشی دەستبەجی هێزە ئەمنیەکان گەماروی شوێنی رووداوەکەیان داوە.
سەرچاوەکە وتیشی درەنگانێکی شەوی رابردوو لەکاتی گەراندنەوەی  کاروانی ئۆتۆمبیلەکانی عبدوالامیر زەیدی فەرماندەی فەرماندەی ئۆپەراسیۆنەکانی دیجلە و کاروانی ئۆتۆمبیلەکانی فەرماندەی فیرقەی پێنجی سوپای عیراق لە جەلەولا بۆ ناوەندی دیالە  بۆمبێکی چێنراو بە کاروانەکەیان لەسەر رێگای نێوان جەلەولا سەعدییە تەقیەوە و لە ئەنجامدا سەربازێک کوژراو و سێ سەربازی دیکە برینداربوون.سەرچاوەکە وتیشی هیچ زیانێک بەر ئۆتۆمبیلەکانی زەیدی نەکەوتووە و تەنها کاروانی ئۆتۆمبیلەکانی فەرماندەی فیرقەی پێنج زیانیان پێگەیشتووە.











لە درێژەی ئەو خۆپیشاندانانەی کە پارێزگاکانی ئەنبار و موسل و سەڵاح الدین و کەرکوکی گرتۆتەوە ،نێوەرۆی ئەمرۆ خۆپیشاندان لە شارۆچکەی جەلەولا لە دوای نوێژی هەینی دەستی پێ کرد،سەرچاوەیەکی ئاگادار لە شارۆچکەی جەلەولا بە رۆژی نوێ راگەیاند لە دوای نوێژی هەینیەوە خۆپیشاندان  لە شارۆچکەی جەلەولا دەستی پێکردووە و ژمارەی خۆپیشاندەران نزیکەی  2000 خۆپیشاندەر دەبێت و محەمەد خالدی ئەندامی پەرلەمانی عیراق لە لیستی عیراقییە سەرۆکایەتی  خۆپیشاندەران دەکات  و لەبەردەم پۆلیسی جەلەولا کۆبوونەتەوە  ئاماژەیشی بۆ ئەوە کرد کە خۆپیشاندەران دروشمی دژ بە حکومەتەکە مالیکیان بەرز کردۆتەوە،وپشتگیری خۆیان بۆ خۆپیشاندەرانی پارێزگاکانی تری عیراق راگەیاندووە.سەرچاوەکە وتیشی بەشێکی تری  خۆپیشاندانەکەی ئەمرۆ دەگەرێتەوە بۆ ئەوەی ماوەی چەند رۆژ پێش ئێستا هیزەکانی پۆلیسی دیالە گەنجێکی عەرەبی جەلەولایان دەستگیر کردووە و دوای چەند رۆژێک لە گرتنی کەس وکاری ئاگادار کراونەتەوە کە کورەکەیان کوژراوە .







ليست هناك تعليقات:

إرسال تعليق